Макрон зняпраўдзіў інфармацыю пра візы для брытанцаў пасля Brexit

Жыхары Злучанага каралеўства прадоўжаць наведваць ЕЗ без віз.

Прэзідэнт Францыі Эмануэль Макрон заявіў, што Францыя і ЕЗ агулам не плануюць уводзіць візы для брытанцаў пасля Brexit.

Пра гэта піша Укрінфарм.

«Brexit мае наступствы, але мы не пачнём патрабаваць візы для людзей са Злучанага Каралеўства», - сказаў прэзідэнт.

Макрон назваў «хлуслівай навіной» інфармацыю пра тое, што ЕЗ можа прыняць такую пастанову.