У Беларусі ўводзіцца новы экспэрымент над школьнікамі

Каб укараніць такую сістэму, спатрэбіцца некалькі гадоў.

Мінадукацыі паспрацоўвае пытанне правядзення незалежнай атэстацыі за курс сярэдняй школы, піша vkurier.by.

«Каб укараніць такую сістэму, спатрэбіцца некалькі гадоў. Павінна быць праведзеная сур'ёзная падрыхтоўчая праца, пробы, павінны быць арганізаваныя прамежкавыя атэстацыі ў такіх формах. Увядзенне незалежнай атэстацыі не стане нечаканасцю для вучняў і іх бацькоў. Выпускнікам гэтага года не трэба нічога баяцца, атэстацыя будзе праходзіць у ранейшым выглядзе», - сказаў міністр адукацыі Ігар Карпенка.

Выпускныя экзамены за курс сярэдняй школы прапаноўвалася змяніць яшчэ некалькі гадоў таму.

Для выпускнікоў 9-х класаў плануецца ўвесці незалежную атэстацыю, па выніках якой яны змогуць працягнуць навучанне ў гімназіях ці гімназічных класах сярэдніх школ, у звычайных класах, а таксама пайсці шляхам прафтэхадукацыі.

Для 11-класнікаў гэта будзе нацыянальны экзамен.

Выніковая атэстацыя за курс сярэдняй школы павінна адпавядаць формай і зместам выпрабаванням уступнай кампаніі. Гэта павінна знізіць нагрузку на навучэнцаў і стварыць больш спрыяльныя ўмовы для працы педагогаў.

«Сёння настаўнік не ведае, ці то яму больш увагі надаваць падрыхтоўцы вучня да атэстацыі ў выглядзе напісання выкладання, ці то ў выглядзе напісання тэсту для паступлення ў ВНУ. Гэтыя пытанні цяпер адпрацоўваюцца ў форме экспэрыменту. Да яго падключаюцца псіхолагі і педагогі. Яны глядзяць, як найлепш наладзіць гэтую атэстацыю, аналізуюць яе асаблівасці, хібы, параўноўваюць з наяўнай. Нечаканасцяў у гэтым пытанні не будзе», - запэўніў Ігар Карпенка.