Да Інтэрнэту амаль перасталі падлучацца новыя карыстальнікі

Рост колькасці новых інтэрнэт-карыстальнікаў знізіўся з 19% у 2007 годзе да менш чым 6% у 2017 годзе.

Колькасць людзей на планеце, якія пачынаюць карыстацца інтэрнэтам, значна знізілася ў апошнія гады. Пра гэта паведамляе ў чацвер газета The Guardian са спасылкай на даклад арганізацыі Web Foundation, якая займаецца пытаннямі развіцця і даступнасці інтэрнэту, паведамляе capital.ua.

Паводле яе звестак, рост колькасці новых інтэрнэт-карыстальнікаў знізіўся з 19% у 2007 годзе да менш чым 6% у 2017 годзе. Пры гэтым адзначаецца, што з 3,8 мільярда чалавек, якія не маюць магчымасці доступу да глабальнай інфармацыйнай сеткі, значную частку складаюць жанчыны, а таксама жыхары найменш развітых сельскіх раёнаў. Адным з асноўных фактараў, між іншым, у «лічбавым» гендэрнай няроўнасці з’яўляецца разрыў у аплаце працы паміж мужчынамі і жанчынамі.

У 2014 годзе ААН прадказала, што да 2017 года каля паловы насельніцтва ў свеце будзе мець вольны доступ у інтэрнэт, аднак апошнія звесткі сведчаць аб тым, што гэтая мэта будзе дасягнутая не раней за травень 2019 года.

Пад свабодным доступам ААН мае на ўвазе «магчымасць выхаду ў інтэрнэт з любой прылады як мінімум адзін раз за апошнія тры месяцы».

На думку спецыялістаў, зніжэнне кошту інтэрнэт-трафіку і змяненне кантэнту могуць унесці істотны ўклад у развязванне гэтай праблемы. Акрамя таго, вынікі шэрагу даследаванняў паказалі, што доступ да інтэрнэту стымулюе эканамічны рост. Паводле звестак Каліфарнійскага ўніверсітэта ў Берклі за 2012 год, павелічэнне карыстання шырокапалосным інтэрнэтам на 10% спрыяе росту ВУП краін, якія развіваюцца на 1,35%.

У дакладзе падкрэсліваецца, што блізу 79% жыхароў афрыканскіх краін, уключаючы Гану, Кенію, Нігерыю і ПАР, уважае, што паўсюднае распаўсюджванне інтэрнэту спрыяе павышэнню ўзроўню адукацыі, а больш за палову ўважаюць, што гэта прыносіць карысць эканоміцы і палітыцы, а таксама ўмацоўвае ўзаемадзеянне паміж людзьмі.