Масавы байкот тэхагляду прымусіў улады пайсці кіроўцам насустрач?

У Беларусі створаная рабочая група «адвязвання дзяржаўнай мыты ад тэхагляду».

Праца па «адвязванні дзяржаўнай мыты ад тэхагляду» пачалася. Створаная міжведамасная рабочая група ў выпрацоўцы ўзгодненай пастановы ў пытаннях вызначэння парадку збірання дзяржаўнай мыты за выдачу дазволу на допуск транспартнага сродку да ўдзелу ў дарожным руху, устанаўленне кантролю за яе выплатай. Гэта прадугледжана распараджэннем прэм'ер-міністра ад 16 кастрычніка 2018 года №308р.

Праект узгодненага рашэння міжведамаснай працоўнай групе неабходна падрыхтаваць і ўнесці ў Савет Міністраў да 1 лютага 2019 года. Кіраваць працай групы будзе першы намеснік прэм'ер-міністра Аляксандр Турчын, паведамляе прэс-служба савета міністраў.

Нагадаем: 5 кастрычніка прэм'ер-міністр Беларусі заявіў, што дзяржаўную мыту адвяжуць ад тэхагляду, але адбудзецца гэта не раней за 2019 год. Ён паабяцаў аднавіць справядлівасць у дачыненні да асоб, якія выкарыстоўваюць аўтамабіль не круглы год, а таксама даць магчымасць аплачваць збор праз АРІП. Пакуль застаецца незразумелым, як будзе ажыццяўляцца кантроль аплаты і хто гэта будзе рабіць. Мабыць, над гэтым у тым ліку і будзе працаваць створаная група.

Апошнія гады склалася крытычная сітуацыя ў частцы праходжання тэхагляду. Паводле звестак правяраючых органаў, ужо больш за палову беларусаў ігнаруюць гэтую абавязковую працэдуру, нягледзячы на павелічэнне штрафаў і ўвядзенне паўторнасці за гэтае парушэнне.