Па матывах «Тома і Джэры» здымуць кіно

Мяркуецца, што здымкі праекта пачнуцца ўжо ў 2019 годзе.

Рэмэйк мультфільма будзе гібрыдным - дзеянне будзе разгортвацца ў рэальным свеце, паведамляе segodnya.ua.

Студыя Warner Brothers мае намер адаптаваць легендарны мультсерыял «Том і Джэры». Цяпер кампанія вядзе перамовы з рэжысёрам Цімам Сторы з нагоды працы над кінаадаптацыяй мультфільма, паведамляе Variety.

Адзначым, што Цім Сторы вядомы па супергеройскім кіно «Фантастычная чацвёрка» і камедыі «Думай як мужчына».

Спасылаючыся на свае крыніцы, журналісты сцвярджаюць, што рэмэйк мультфільма будзе гібрыдным - дзеянне будзе разгортвацца ў рэальным свеце, але персанажы застануцца аніміраванымі. Як і героі арыгінальнага мультфільма, Том і Джэры не будуць агучаны - маецца на ўвазе, што рэплік у іх не будзе.