19 лiстапада 2018, панядзелак, 21:49
Падтрымайце сайт «Хартыя-97»
Рубрыкі

Трагедыя ў Керчы: спачатку была страляніна, затым спрацавала выбуховае прыстасаванне

135
ФОТА: ТАСС

Сталі вядомыя новыя падрабязнасці выбуху ў політэхнічным каледжы.

Прычынай выбуху ў політэхнічным каледжы ў Керчы (Крым) стаў падрыў неўстаноўленага выбуховага прыстасавання, паведамілі ў Нацыянальным антытэрарыстычным камітэце Расеі, перадае "Інтэрфакс".

Паводле папярэдніх звестак, загінулі дзесяць чалавек, яшчэ 50 пацярпелі.

Паводле інфармацыі Камітэта, выбух у будынку політэхнічнага каледжа Керчы адбыўся дзесьці а 12 гадзіне дня.

На месца прыбылі сілы і сродкі падраздзяленняў ФСБ, МУС, Расгвардыі і МНС. Тэрыторыя ля каледжа ачэпленая, людзі, якія знаходзіліся ў будынку эвакуяваныя.

ФОТА: KERCH.FM

Сілавікі мяркуюць, што выбух у політэхнічным каледжы ў Керчы (Крым) мог быць тэрактам. Пра гэта паведамляе inforesist.org са спасылкай telegram-канал Mash.

"У Керчанскім каледжы спрабавалі захапіць закладнікаў. Пасля гэтага там пачалася страляніна, затым - выбух. Такая інфармацыя цяпер праходзіць праз экстранныя службы", - піша Mash.

Цяпер сілавікі прачэсваюць тэрыторыю каледжа і шукаюць меркаванага нападніка. Гэта хлопец 20-25 гадоў, ён трапіў на камеры назірання.

У злачынцы была зброю (12мм) і — як мяркуецца, — выбуховае рэчыва, адзначае Mash.

Паводле інфармацыі відавочцаў, на другім паверсе каледжа пасля выбуху ў будынку была чутная страляніна. У сталовай, дзе ўсё адбылося, не было газавых балонаў. "Параненых хваляй выкінула вонкі, - распавяла сведка радыё "Говорит Москва".

У той жа час некаторыя відавочцы здарэння сцвярджаюць, што страляніна адбылася перад выбухам. Нібыта невядомыя пачалі хадзіць па кабінетах і страляць у вучняў.

Аб серыі выбухаў і страляніне распавяла студэнтка тэхнікума — сведка таго, што адбылося ў сераду, 17 кастрычніка, паведаміла “Лента.ру”.

"Была серыя выбухаў - каля чатырох - цягам пяці хвілін, на першым - другім паверхах. На першым паверсе знаходзіцца сталоўка. Таксама былі чутныя стрэлы", - сказала яна.

У сваім канале "Говорит Москва", спасылаючыся на відавочцаў, паведамляе, што невядомы кінуў бутэльку ў акно сталоўкі каледжа, пасля гэтага адбыўся выбух. Таксама відавочцы распавялі, што ў першыя хвіліны пасля выбуху ў каледжы была чутная страляніна, а затым у будынак забеглі некалькі паліцэйскіх з аўтаматамі.

Колькасць ахвяр выбуху ў тэхнікуме ў Керчы ўзрасла да 18, паведамляе lenta.ru са спасылкай на Telegram-канал LIFE SHOT, які не ўказаў крыніцу інфармацыі. Паводле ягоных звестак, медыкаў і студэнтаў медыцынскіх каледжаў у тэрміновым парадку выклікаюць у лякарні горада.

Са слоў прэс-сакратара Пуціна Дзмітрыя Пяскова, версія тэракту разглядаецца ў якасці прычыны выбуху.

Дырэктарка Керчанскага каледжа Вольга Грабеннікава распавяла, што ў будынак навучальнага цэнтра ўварваліся невядомыя з аўтаматамі, якія ўзарвалі хол, “кідалі выбуховыя пакеты”. Са слоў Грабеннікавай, гэтыя людзі "адчынялі кабінеты, забівалі ўсіх, каго маглі знайсці, хто трапляўся".

Інфармацыю аб страляніне ў Керчанскім каледжы "Новой газете" пацвердзіў навучэнец каледжа Уладзімір. "Я знаходзіўся недалёка ад сталоўкі. Перад выбухам пачулася некалькі стрэлаў. Я чуў не менш за дзесяць. Гэта была не аўтаматная чарга, а адзінкавая стралы. Наколькі я зразумеў, у будынак пракраўся хтосьці старонні, але сам я яго не бачыў", - сказаў вучань.

Следчы камітэт Расеі распачаў крымінальную справу паводле факту выбуху.

Намеснік кіраўніка Расгвардыі Сяргей Мелікаў, адказваючы на пытанне аб працы ўстановы пасля выбуху ў каледжы ў Керчы, назваў тое, што адбылося тэрактам.

“Мы ўдзельнічаем у ліквідацыі наступстваў тэрарыстычнага акту”, — сказаў Мелікаў на прэс-канферэнцыі ў Маскве, паведамляе карэспандэнт РБК.

Ён дадаў, спаслаўшыся на Следчы камітэт, што прычынай з'яўляецца выбух самаробнай выбуховай прылады. "Абставіны высвятляюцца, аналізам прычына — выніковых сувязяў займаюцца спецыяльныя службы, але таксама і Расгвардыя”, - сказаў на заканчэнне ён.

Да тэхнікума ў Керчы, дзе выбухнула бомба, накіраваныя больш за 200 вайскоўцаў і блізу 10 адзінак тэхнікі войска РФ. Пра гэта паведамілі ў прэс-службе Паўднёвай вайсковай акругі РФ.

Вайскоўцы заявілі, што жаўнеры будуць дапамагаць экстраным службам горада ў расчыстцы завалаў на месцы выбуху.

Следчы камітэт РФ удакладніў колькасць загінулых у тэхнікуме ў Керчы. Паводле апошніх звестак СК, загінулі 13 чалавек, 50 пацярпелі. Большая частка з іх - падлеткі. Звесткі аб пацярпелых удакладняюцца.

Магчыма, што Крэмль паспрабуе выкарыстоўваць трагедыю ў Керчы для распальвання антыўкраінскай прапаганды. Расейскі "сэнатар" Франц Клінцэвіч ужо выказаў здагадку, што ў Керчанскай трагедыі нібыта праглядаецца “ўкраінскі след”, паведамляе “Інтэрфакс”. "Не думаю, што рука " сламскай дзяржавы" здольная дацягнуцца да Керчы. Усё гэта больш падобна да ўкраінскага следу", - падае словы Клінцэвіча ягоная прэс-служба.

Праваахоўныя органы РФ падазраюць у арганізацыі выбуху вучня каледжа, распавяла РБК крыніца ў МУС. "З паказанняў вучняў стала ясна, што адзін з вучняў незадоўга да выбуху пакінуў у сталовай заплечнік — - кажа суразмоўца, - таксама вучні распавялі, што чулі ад гэтага маладзёна, што ён праводзіць досведы з выбуховымі рэчывамі”.

Фота маладога хлопца, які падобны да апісання відавочцаў, апублікавалі ў Telegram-канале Mash. Таксама пазней там з'явіўся здымак яго меркаванага суўдзельніка. Са звестак канала, другі "стралок" заходзіў у каледж у адным адзенні, аднак перамяніўся там перад нападам.

Са звестак Telegram-канала "112", імя гэтага падазраванага-Станіслаў Р., ён 2000 года нараджэння.

Згодна са звесткамі "Говорит Москва", здымак аднаго з падазраваных супадае з нападнікам, якога відавочцы апісалі.

"Обозреватель" паведамляе, што аднаго з падазраваных у нападзе на Керчанскі політэхнічны каледж знайшлі мёртвым. Паводле папярэдніх звестак, яго знайшлі застрэленым.

Выбух у політэхнічным каледжы Керчы зладзіў 22-гадовы студэнт гэтай установы, заявіў "кіраўнік" акупацыйнай адміністрацыі Крыма Сяргей Аксёнаў. Ён пакончыў з сабой, піша "Інтэрфакс".

Колькасць загінулых у выніку выбуху ў Керчанскім політэхнічным каледжы дасягнула 18 чалавек, паведамляе ТАСС.

Са звестак тэлеграм-канала Mash, студэнта, які ўчыніў тэракт, завуць Уладзіслаў Раслякоў, ён ці то 2000, ці то 2002 года нараджэння. Канал 112 пацвярджае гэтую інфармацыю. Яго аднагрупнік Арцём распавёў "Снобу", што Уладзіслаў “заўсёды быў як бы адасоблена. Ён у нас на добрым рахунку быў, заўсёды ціхі быў і спакойны, проста рабіў што трэба".

Следчы камітэт РФ перакваліфікаваў справу аб нападзе ў Керчы з тэракту на забойства. СК РФ будзе расследаваць справу аб выбуху ў Керчанскім каледжы як забойства дзвюх і больш асоб агульнанебяспечным спосабам(Частка 2 артыкула 105 Крымінальнага кодэкса Расеі), паведамляецца на сайце ўстановы. Студэнты, якія знаходзіліся ў каледжы, загінулі ад агнястрэльных раненняў.