Якой будзе астатняя частка восені?

У гэтым кастрычніку надвор'е радуе беларусаў: цёпла і сонейка.

Якой будзе астатняя частка восені? Беларускія сіноптыкі і спецыялісты ў народных прыметах распавялі tut.by, чаго чакаць ад надвор'я.

У лістападзе можа быць мокры снег і дажджы

Як распавялі ў Белгідрамеце, у сярэдзіне кастрычніка гэтага года ў Беларусі пад уплывам шырокага антыцыклону амаль два тыдні стаяла вельмі цёплае для гэтага перыяду часу надвор'е, не было ападкаў.

- Самае сапраўднае бабіна лета. Другая дэкада кастрычніка была на 2-4 градусы цяплейшай, чым звычайна, - тлумачаць там.

Аднак у трэцяй дэкадзе кастрычніка чакаецца, што надвор'е зменіцца:

- Прагназуецца тыпова восеньскае няўстойлівае з ападкамі надвор'е. Ападкі будуць выпадаць у асноўным у выглядзе дажджу, бліжэй да канца месяца можа быць і мокры снег. Тэмпературны фон прагназуецца ў межах сярэдніх шматгадовых значэнняў.

У лістападзе, прагназуюць у Белгідрамеце, тэмпература будзе далей зніжацца. Сярэднямесячная тэмпература паветра (кліматычная норма) у лістападзе складае ад -1 да +3°C.

- Згодна з папярэднімі прагнозам, у лістападзе 2018 года сярэднемесячная тэмпература паветра чакаецца блізу кліматычнай нормы. Таксама для лістапада характэрна выпадзенне ападкаў у выглядзе мокрага снегу і дажджу, - адзначылі ў Белгідрамеце.

На тэрыторыі Расеі, якая мяжуе з Беларуссю, прагназуюць тэмпературу вышэйшая за норму

Расгідрамет кожны год робіць магчымы прагноз тэмпературнага рэжыму ў Расеі на ацяпляльны перыяд 2018-2019 гадоў. Праўдзівасць іх прагнозаў за апошнія 18 гадоў вагалася ў межах 58-81%.

Згодна з гэтым прагнозам у Смаленскай, Бранскай і Пскоўскай абласцях Расеі, якія мяжуюць з Беларуссю, тэмпература ў кастрычніку будзе на 20% ніжэйшай за норму. А вось у лістападзе на 20% вышэйшай за кліматычную норму.

Напрыклад, для Смаленска кліматычнай нормай у лістападзе лічыцца тэмпература прыкладна +2°С удзень і -4°C уночы.

Аднак перанесці гэтыя звесткі на тэрыторыю Беларусі нельга. У Расгідрамеце раней адзначалі, што гэта метадалагічна няправільна. Каб выкарыстоўваць звесткі да Беларусі, расейскім экспертам трэба ведаць нашы нормы і працэсы.

У кастрычніку яшчэ будзе цёпла, а лістапад - звычайны

Этнолаг і фалькларыст Алена Доўнар-Запольская адзначае, што, з народных прымет, апошнія тыдні кастрычніка будуць цёплымі, хоць уночы магчымыя замаразкі.

Паводле ейных слоў, Пакровы Прасвятой Багародзіцы, якія былі 14 кастрычніка, маркуюць надвор'е як мінімум на два тыдні наперад.

- Надвор'е будзе вельмі добрае, яно настолькі ласкавае было на Пакровы, што я такога нават не памятаю. Звычайна дагэтуль ўжо лужыны лёгкім лядком зацягваюцца, і снег у гэты дзень цалкам рэальны паводле ўсіх законаў прыроды. Мяркуецца, што, згодна з легендай, у гэты дзень Божая маці з'явілася і схавала ўсіх пад сваім покрывам. 14 кастрычніка раніцай надвор'е было казачнае. Быў туман, скрозь яго прасвечвалася сонейка, віднеліся залатыя клёны... Было адчуванне, што, сапраўды, на зямлю спусцілася покрыва, - распавядае яна.

Са слоў Алены Доўнар-Запольскай, прымаразкі ў кастрычніку, хутчэй за ўсё, будуць начамі, але ўдзень будзе сонечна і досыць цёпла.

- Ёсць яшчэ такая прыкмета: снягір свішча на пахаладанне. Я яго пакуль не чула.

Лістапад жа, магчыма, будзе класічным: будзе і лёд, і снег, і дождж. На Міхайлаў дзень, а гэта 21-лістапада, ужо ўсё, як правіла, павінна хавацца снегам.

- Лістапада вельмі цяжкі ў сэнсе надвор'я месяц, - кажа суразмоўца.