Сіноптыкі: Заўтра будзе да +21°С
2- 16.10.2018, 17:49
- 9,069
Прагноз надвор'я на найбліжэйшыя тры дні.
17 кастрычніка надвор'е на тэрыторыі Беларусі будзе вызначаць антыцыклон з цэнтрам над Бранскай вобласцю Расеі. Чакаецца невялікая воблачнасць. Без ападкаў. Уначы і раніцай месцамі слабы туман, паведамляе Гідрамет.
Вецер паўднёвы сярэдні. Тэмпература паветра ў начныя і ранішнія гадзіны панізіцца да +3..+8°С, у асобных раёнах 0..+2°С, максімальная тэмпература ў сярэдзіне дня складзе +15..+21°С.
18 кастрычніка надвор'е ў Беларусі будзе вызначаць вобласць павышанага атмасфернага ціску і цёплая паветраная маса. Пераменная воблачнасць. Без ападкаў. Уначы і раніцай у асобных раёнах туман. Вецер паўднёвай чвэрці слабы да сярэдняга. Тэмпература паветра мінімальная ўначы +1..+7°С, максімальная - удзень +15..+22°С.
19 кастрычніка вялікая частка рэспублікі застанецца ў вобласці павышанага атмасфернага ціску, толькі, у асноўным, на поўначы краіны адаб'ецца ўплыў малаактыўнага атмасфернага фронту. Чакаецца воблачна з прасвятленнямі. Уначы на паўночным захадзе, удзень у асобных раёнах, у асноўным на поўначы краіны невялікія кароткачасовыя дажджы. Уначы і раніцай у асобных раёнах туман. Вецер паўднёвы з пераходам на паўночна-заходні сярэдні. Тэмпература паветра мінімальная ўначы +2..+9°С, максімальная - удзень +12..+18°С.