29 сакавiка 2024, Пятніца, 2:51
Падтрымайце
сайт
Сім сім,
Хартыя 97!
Рубрыкі

Польшча абскардзіла пастанову Еўракамісіі наконт «Газпрому»

Польшча абскардзіла пастанову Еўракамісіі наконт «Газпрому»
ФОТА: РІА «НОВОСТИ»

PGNiG дамагаецца штрафу для расЕйскага манапаліста.

Польская нафтагазавая кампанія PGNiG абскардзіла пастанову Еўракамісіі ў антыманапольнай справе «Газпрома».

Пра гэта паведамляе польскае агенцтва PAP са спасылкай на крыніцы.

«PGNiG ступіла на юрыдычны шлях супраць Еўракамісіі, абскардзіўшы ў Судзе ЕЗ яе пастанову ў пагадненні з «Газпромам», - гаворыцца ў паведамленні.

Еўракамісія сем гадоў вывучала дзелавыя аперацыі «Газпрома» ў Еўропе, абвінавачваючы расейскі канцэрн у перашкодзе канкурэнцыі і ў завышэнні коштаў паставак газу ва Усходнюю Еўропу. «Газпром» адмаўляў абвінавачванні.

У траўні гэтага года ЕК вынесла пастанову паводле гэтай справы. Еўракамісія не стала штрафаваць расейскі канцэрн, аднак усклала на яго шэраг абавязацельстваў, каб зрабіць магчымым свабодныя пастаўкі газу канкурэнтнымі коштамі ў Цэнтральную і Усходнюю Еўропу.

Польшча і іншыя краіны, якія пацярпелі ад манапалісцкай практыкі «Газпрома», былі незадаволеныя, што расейскі канцэрн не быў пакараны. Штраф мог дасягнуць 10% гадавога абарачэння манапаліста.

Напісаць каментар

Таксама сачыце за акаўнтамі Charter97.org у сацыяльных сетках