Відэахіт: Японец сыграў на трох калькулятарах, як на сінтэзатары

Гучыць як мелодыя з рэтра-гульні.

Карыстальнік твітэра з Японіі прадэманстраваў, як выконвае папулярную мелодыю пры дапамозе трох калькулятараў. Ён абраў песню Lemon ад выканаўцы Кеншы Ёнезу. Ягоны кавер сваёй стылістыкай далёкі ад арыгінала, але асноўная мелодыя перададзеная вельмі дакладна. Праўда, калькулятары ў яго не зусім звычайныя, піша medialeaks.ru.

Японец, вядомы ў твітэры як atarime_400, зняў і апублікаваў адно з самых вірусных відэа кастрычніка. Яго паглядзелі ўжо 7,3 мільёна чалавек, а паставілі ўпадабайкі або перапосцілі 650 тысяч разоў. Для гэтага яму спатрэбілася не так шмат: тры калькулятары і песня папулярнага японскага выканаўцы Кеншы Ёнезу, піша SoraNews24. Жанр, у якім грае Ёнезу, яшчэ прынята называць J-Pop.

Ёнеза апублікаваў сінгл Lemon у пачатку 2018 года. Цяпер у кліпа на гэтую песню 184 мільён праглядаў на YouTube. Вось як гучыць сама песня, на якую абапіраўся atarime_400.

А вось як японец сыграў гэтую мелодыю на сваіх калькулятарах. Вядома, далёка не з кожнага калькулятара можна атрымаць такі гук: канкрэтна ў гэтых ёсць музычнае гучанне клавіш, а на экраны, як відаць, можна вывесці каляндар. Аднак для такога незвычайнага спосабу выканання ўсё адно атрымліваецца вельмі ўражальнае відэа, тым больш, што стыль выканання моцна змяніўся: замест лірычнай поп-музыкі выкананне atarime_400 нагадвае гукі 16-бітнай відэагульні.

Пасля аглушальнага поспеху відэа atarime_400 запрасілі ў эфір тэлешоў «Каралеўскі бранч» на канале TBS. Музыка не паказаў запіс эфіру, але відавочна быў вельмі рады ў ім паўдзельнічаць.

А на наступны дзень пасля эфіру atarime_400 выклаў яшчэ адно відэа з калькулятарамі - цяпер яму выстарчыла дзвюх штук, каб выканаць кавер на яшчэ адну з песень таго ж выканаўцы. Новы ролік набраў 687 тысяч праглядаў і 60 тысяч упадабаек і рэтвітаў, што таксама вельмі важна.