Новы фінансавы крызіс: што будзе з беларускім рублём?

Сітуацыя на сусветным фінансавым рынку пасылае сігналы аб тым, што, хутчэй за ўсё, наспявае чарговы «вір».

Розніца кошту грашовых знакаў развітых краін, і якія развіваюцца, далей павялічваецца. Гэтаму спрыяюць як эканамічныя прычыны (перш за ўсё, гандлёвыя войны ЗША і Кітая), так і палітычныя чыннікі, піша myfin.by.

Чаму крызіс блізка

Сітуацыю, якая склалася на сусветным валютным рынку пракаментаваў фінансавы аналітык МДУ, кандыдат юрыдычных навук Грыгорый Лысакоўскі.

- Цягам 2017-2018 гадоў Федэральная рэзервовая сістэма ЗША ўзняла ключавую стаўку з 0,5% да 2,25%. У чацвёртым квартале плануецца чарговае падвышэнне адсоткавай стаўкі на 0,25%. Палітыка падвышэння адсоткавай стаўкі прадоўжыцца і ў 2019 годзе.

Рост ключавой стаўкі падвышае адсотак даходнасці аблігацый скарбніцы ЗША, а гэта надзейныя актывы ўкладання грашовых сродкаў у сучасным фінансавым свеце.

Гэта паніжае рынкі краін, якія развіваюцца. Так, напрыклад, у 2018 годзе курс турэцкай ліры упаў з 15,2 да 10,8 лір за адзін даляр ЗША; курс аргентынскага пэса з 2 да 1,7 пэса за адзін даляр ЗША. 6 кастрычніка 2016 года; курс расейскага рубля ўпаў з 55 рублёў 92 капеек на 27 лютага 2018 да 66 рублёў 62 капеек на 08 кастрычніка 2018 года.

Стрымлівальным чыннікам значнага падзення курсу расейскага рубля з'яўляецца ўстойлівы трэнд на падвышэнне кошту нафту.

У чацвёртым квартале 2018 года праглядаецца мяжа дасягнення ўзроўню коштаў нафты ў дыяпазоне 105-115 даляраў ЗША за барэль.

У першым паўгоддзі 2019 года рынак чакае пэўная стабілізацыя, даволі невялікая валацільнасць, з больш павольным ростам коштаў нафты.

Але, як і ўсякі цыкл, падвышэнне коштаў нафты не можа быць бясконцым. Чыннікі росту коштаў паступова аслабнуць, нафтаздабывальныя краіны наросцяць нафтаздабычу замест дзяржаў, у дачыненні да якіх уведзеныя санкцыі, павялічыцца здабыча сланцавай нафты ў ЗША. У доўгатэрміновай перспектыве кошты нафты могуць падаць да ўзроўню 25-30 даляраў ЗША за барэль.

На фоне запаволення тэмпаў развіцця сусветнай эканомікі, выкліканага гандлёвымі войнамі ЗША і Кітая, нестабільнасцю курсаў валют краін, якія развіваюцца, прагназаваны разварот коштаў нафты, сусветную фінансавую сістэму чакае чарговы крызіс.

Як зменіцца курс еўра

- Што да еўрапейскай валюты, можна таксама зрабіць не зусім спрыяльны прагноз. Не дадаюць чыннікаў росту еўрапейскай валюце неразвязаныя праблемы аб выхадзе Вялікабрытаніі з Еўрапейскага Звязу, пытанне Турцыі, а таксама адсутнасць у найбліжэйшай перспектыве рэформаў, аналагічных эканамічным рэформам прэзідэнта Трампа, накіраваных на ўзмацненне бізнэс актыўнасці.

Пры актыўнай падатковай рэформе ЗША, накіраванай на прыцягненне капіталаў з усіх рынкаў і вяртанне амерыканскага капіталу, рост адсоткавай стаўкі ФРС, апярэджвае прагнозны рост ВУП ЗША (у другім квартале 2018 ВУП ЗША вырас на 4,1%), хутчэй за ўсё, у 2019 годзе даляр ЗША працягне сваё ўмацаванне ў дачыненні да еўра, і ў абменных пунктах мы ўбачым курс 1,06-1,10 даляраў ЗША за еўра.

Што будзе з беларускім рублём

- У доўгатэрміновай перспектыве фактары на ўмацаванне беларускага рубля адсутнічаюць праз залежнасць эканомікі Рэспублікі Беларусь ад імпарту энэрганосьбітаў і экспарту тавараў у Расейскую Федэрацыю.

Для беларускіх экспарцёраў аптымальным курсам беларускага рубля ў дачыненні да расійскага з'яўляецца 3,40-3,45, таму магчыма прыняцце захадаў для дэвальвацыі курсу беларускага рубля да такога ўзроўню.

Што да перспектывы расейскага рубля, зыходзячы з існых чыннікаў, у сярэднетэрміновай перспектыве ў пунктах абмену валют можна будзе ўбачыць курс 90 расейскіх рублёў за адзін даляр ЗША і вышэй.

Супраць курсу расейскага рубля гуляе немагчымасць павелічэння здабычы нафты. Нафтавыя кампаніі Расеі дасягнулі максімуму ў здабычы нафты, падыходзяць да вычэрпвання распрацаваныя радовішчы нафты.