Championat.com: Сёння менскае «Дынама» разгледзіць пытанне аб адстаўцы Гордзі Дуаера

На гэты момант «зубры» размяшчаюцца на апошнім месцы.

Назіральная рада менскага «Дынама» на чарговым паседжанні 15 кастрычніка абгаворыць пытанне аб адстаўцы галоўнага трэнера каманды Гордзі Дуаера, піша «Пресбсол».

Пра гэта паведамляе championat.com. На гэты момант «зубры» знаходзяцца на апошнім месцы ў табліцы Заходняй канферэнцыі КХЛ. Пасля 17 матчаў у актыве менчукоў 11 балаў (чатыры перамогі пры 13 паразах).

Менскі клуб мае 6-матчавую серыю паразаў і прадаўжае падрыхтоўку да заключнага матчу хатняй серыі. Заўтра, 16 кастрычніка, «Дынама» на «Мінск-Арэне» згуляе з маскоўскім «Дынама».