Эканаміст: Мы маем справу з адкрытым зніжэннем беларускага рубля

Пара займаць чаргу ў абменнікі?

На мінулым тыдні беларускі рубель зноў патаннеў да валютнага кошыку. Што будзе з курсамі валют на гэтым тыдні? Ці прадоўжыцца падзенне беларускага рубля? Пра гэта ў каментары Myfin.by распавёў Вадзім Ёсуб, старшы аналітык кампаніі «Альпары».

- Другі тыдзень запар беларускі рубель знізіўся да валютнага кошыку. І зноў жа другі тыдзень запар падаражэлі адразу ўсе тры валюты, якія ўваходзяць у гэты кошык.

Адбывалася гэта на фоне таго, што даляр умацоўваўся на сусветных рынках - у дачыненні да еўра.

Пара еўра/даляр знізілася з 1,1620 да 1,15, або на 1%. Пры гэтым і даляр, і еўра выраслі да расейскага рубля. Даляр за тыдзень падаражэў да расейскага рубля на 1,4%, а еўра - на 0,4%.

Пры гэтым расейскі рубель, які ўпаў да іншых сусветных валют, усё адно вырас да беларускага рубля.

Расейскі рубель падаражэў да беларускага на 0,62%. Еўра вырас да беларускага рубля на 1,04%, даляр - на 2,06%.

Мы маем справу ўжо не проста з рознанакіраванымі ваганнямі валют, а з адкрытым зніжэннем беларускага рубля да валютнага кошыку. Гэта значыць, мы бачым што беларускі рубель падае нават да аслабленага расейскага рубля.

Магчыма, кардынальных змен у попыце на валюту з боку насельніцтва не адбылося (гэтую статыстыку мы будзем ведаць пазней).

Гаворка ідзе пра сезонна падвышаны попыт валюты з боку прадпрыемстваў.

Працягнецца зніжэнне расейскага і беларускага рубля

Што будзе з курсамі валют на гэтым тыдні? З міжнароднай пункту гледжання, па-першае, можа працягнецца тэндэнцыя на ўмацаванне даляра да ўсіх сусветных валют.

Пры гэтым будзе назірацца тэндэнцыя зніжэння расейскага рубля.

Аднак беларускі рубель зноў мае ўсе шанцы ўпасці да ўсіх трох валют.

Пры гэтым даляр можа падаражэць прыблізна да 2,20 беларускага рубля, еўра - да 2,50, а расейскі рубель - да 3,26 беларускага рубля за 100 расейскіх.