Мікіта Корзун: Упэўнены, што Малдова нам па зубах
- 14.10.2018, 21:44
- 8,209
Паўабаронца нацыянальнай каманды Беларусі перад матчам з Малдовай распавёў, што каманда настроеная на перамогу.
Паўабаронца каманды Беларусі Мікіта Корзун на прэс-канферэнцыі перад матчам з Малдовай распавёў, што каманда настроеная на перамогу
- У першым матчы каманда Малдовы паказала, што з'яўляецца добрай і моцнай камандай. Аднак нам, безумоўна, трэба адштурхоўвацца ад сваёй гульні. Упэўнены, што Малдова нам па зубах.
- Ці не стане параза ад малдаван для вас трагедыяй?
- Вядома. Мы гуляем дома, таму ўсе думкі толькі пра перамогу, - цытуе Корзуна «Прессбол».
Матч Беларусь - Малдова пройдзе 15 кастрычніка і пачнецца а 21.45 паводле беларускага часу.
Пасля 3 матчаў Беларусь з 7 баламі лідзіруе ў групе D2. Малдова набрала 4 балы і размясцілася на трэцім месцы.
