Лукашэнка сустрэўся з Міхаілам Бабічам

Дыктатар разлічвае на «росквіт двухбаковых стасункаў».

Лукашэнка разлічвае, што час працы Міхаіла Бабіча на пасадзе пасла Расеі ў Беларусі стане перыядам росквіту двухбаковых стасункаў. Пра гэта ён заявіў сёння на сустрэчы з расейскім дыпламатам, паведамляе карэспандэнт БелТА.

Лукашэнка ў самым пачатку сустрэчы адзначыў, што звычайна ў гэтым выпадку кажуць нешта важнае ці пратакольнае.

«Але, напэўна, было б смешна, калі б я абмежаваўся нейкай пратакольнай заявай або выказваннем», - сказаў Лукашэнка. Дыктатар нагадаў, што да прызначэння Міхаіла Бабіча на пасаду пасла былі розныя развагі на гэты конт, публікацыі ў СМІ.

«Напэўна, рэагуючы на тое, што сказана і напісана. Сказаць, што там няма праўды нейкай долі, будзе несумленна. Калі сказаць, што там ёсць праўда, таксама будзе несумленна. Кожная група людзей, якія цікавяцца беларуска-расейскімі стасункамі, спрабавала праецыраваць праз асобу пасла... Тым больш вы ведаеце, што вельмі доўга працаваў ранейшы пасол, тэма не была актуалізаваная ў Беларусі.

А тут прызначэнне новага амбасадара. І ў сілу нашых стасункаў з Расейскай Федэрацыяй праз асобу вашу спрабавала (тая ці іншая група людзей. - Заўвага.) штосьці выказаць», - заўважыў Лукашэнка.

«Скажу шчыра, што больш было негатыву. Дык вось самае галоўнае, што я хацеў сказаць публічна: не дачакаюцца! І, шчыра скажу, я хацеў бы, каб ваш перыяд працы ў пасольстве нашай брацкай Расеі ў Беларусі быў самым актыўным, эфектыўным і прарыўным. Калі вы на гэта настроеныя, а ў мяне менавіта такое ўражанне, што вы настроеныя менавіта на такую працу, мяркуйце, што ў нас так і атрымаецца. Гэта будзе перыяд самага яскравага росквіту нашых стасункаў з Расейскай Федэрацыяй», - падкрэсліў Лукашэнка.