Як змянілася беларуска, якая цягам месяца кожную раніцу рабіла гімнастыку

Што зменіцца за месяц, калі пачаць рабіць зарадку ранкамі.

22-гадовая Святлана Жаўнерык, якая паабяцала на працягу 30 дзён кожную раніцу рабіць зарадку, распавяла tut.by, што з гэтага атрымалася.

Святлана - малодшы навуковы супрацоўнік. Абяцанне рабіць зарадку кожную раніцу дала сабе, каб сістэматызаваць свае дачыненні са спортам, выхаваць сілу духу і волі.

- Звычайны комплекс практыкаванняў і планка, - апісвала дзяўчына. - Уважаю, што дагэтуль абзавесціся такой карыснай звычкай мне не давала вялізная любоў да падушкі!

Ці замінала яна спраўляцца з выклікам? Святлана кажа, што толькі першы час.

- Прызнаюся, спачатку я лянавалася ўставаць і раніцай прымушаць сябе рухацца. Але паступова стала прывыкаць.

Святлана пачынала сваю зарадку з планкі: скачала дадатак з разлікам нагрузкі на 28 дзён. Трымаць яе да хвіліны не складала адмысловай працы.

- Усё хараство гэтага практыкавання адкрылася мне пачынаючы з 90-й секунды, калі ўсё цела сціскалася да максімуму! А наперадзе мяне чакалі іншыя практыкаванні. Але жаданне дасягнуць мэты перамагала ўва мне кожную раніцу.

Праз месяц Святлана дзеліцца вынікамі: зарадка ніяк не адбілася на яе вонкавым выглядзе, нягледзячы на рэгулярнасць. Затое ранішняя доза энэргіі ад фізічнай актыўнасці дапамагала быць больш плённай на працы. Палепшыўся рэжым сну.

- Я цяпер без складанасцяў прачынаюся а палове сёмай, раблю зарадку і не спяшаючыся збіраюся на працу. У целе і ў душы адчуваю лёгкасць. Дарэчы, невялікі лайфхакі: калі за дзве гадзіны да сну адключыць інтэрнэт у тэлефоне, можна заснуць удвая хутчэй!