У Індыі падчас пыльнай буры гіганцкі рэкламны шчыт упаў на сотні людзей

Відэа.

У цэнтральным раёне Мумбаі ў Індыі праз пыльную буру і моцны дождж абрынуўся рэкламны шчыт, піша News18. На гэты момант вядома мінімум аб чатырох загінулых і 64 параненых.

Людзей, якія патрапілі пад завалы, эвакуююць. На месца прыбыла група Нацыянальных сіл рэагавання на стыхійныя бедствы (NDRF).

Пасля здарэння з абвальваннем рэкламнага шчыта намеснік галоўнага міністра штата Махараштра Дэвендра Фаднавіс скасаваў грамадскі сход і найбліжэйшым часам сустрэнецца з пацярпелымі. Як распавёў палітык у Х, пачалося расследаванне трагедыі «на высокім узроўні».